Skip Links

Press release

Prezenca e OSBE-së trajnon Policinë e Shtetit për rolin në zgjedhje

Data:
Burimi:
OSCE Presence in Albania
Fields of work:
Policimi

TIRANË, 26 mars 2013 – Shtatë mijë punonjës policie do të përgatiten për rolin e tyre në procesin zgjedhor përmes një sërë trajnimesh të organizuara nga Prezenca e OSBE-së dhe Policia e Shtetit Shqiptar, në prag të zgjedhjeve të përgjithshme të 23 Qershorit.

“Roli i Policisë së Shtetit në procesin zgjedhor është absolutisht thelbësor për suksesin e zgjedhjeve. Kam besimin se Policia e Shtetit, sërish, do të mbështesë me efektshmëri zhvillimin e një procesi të qetë zgjedhor”, tha Kryetari i Prezencës së OSBE-së, Ambasadori Eugen Wollfarth, në veprimtarinë e sotme.

“Pres që klasa politike dhe ata që ndihmojnë në administrimin e zgjedhjeve – përfshirë të gjithë të pranishmit sot këtu – të sigurojnë që këto zgjedhje të përmbushin standardet përkatëse të OSBE-së dhe standardet e tjetra ndërkombëtare, në mënyrë që Shqipëria të ecë vërtet përpara”, shtoi ai.

Trajnimi, i cili do të vijojë deri në fund të prillit, filloi sot në nivel strategjik, me një sesion kushtuar zyrtarëve të lartë të policisë. Pas trajnimit të 150 trajnuesve, sesionet e tjera do të shtrihen në nivelet operative dhe taktike, tek i gjithë personeli policor që do të jetë i angazhuar në zgjedhje. Lektorët janë ekspertë të Qendrës së Formimit Policor, Prezencës së OSBE-së, Komisionit Qendror të Zgjedhjeve dhe Prokurorisë. Gjithashtu, Prezenca po përgatit një broshurë informative për rolin e veçantë të policisë në procesin zgjedhor, e cila do t’u shpërndahet të shtatë mijë policëve.

Kjo ndihmë është pjesë e mbështetjes së vijueshme që Prezenca e OSBE-së iu jep institucioneve të shtetit shqiptar për të siguruar administrimin e suksesshëm teknik të procesit zgjedhor.


Contacts

Joana Karapataqi

National Public Affairs and Reporting Officer

OSCE Presence in Albania

Office of Head of Presence

Mak Albania Hotel, 1st Floor
Sheshi "Italia"
Tirana
Albania

OSCE Presence in Albania

OSCE Presence in Albania

Mak Albania Hotel, 1st Floor
Sheshi "Italia"
Tirana
Shqipëri